Nano é un mozo que ben se pode identificar co inverno, pola súa cor gris, estación do ano de días curtos e noites largas. Nano procura recoñecerse e aceptarse tal como é, cos seus defectos e virtudes. Inténtao primeiro da man de Mali e logo da de Román. Cústalle abrir a porta da gaiola na que el mesmo se pecha cada día e comezar a voar, proxectándose libremente ao exterior ante os ollos da súa xente. Cuando cre que o vai conseguir, unha desgraciada circunstancia, coa que ninguén contaba, convértese nun atranco difícil de salvar. Pero do dano sufrido tamén se aprende e Nano non se permite tocar fondo e rexorde, agora coma os gromos na primavera.
Unha historia de intriga e de loita polo recoñecemento da propia identidade sexual.

A Adela xa non lle serven os zapatos de charón, que guardaba nunha caixa de cartón como un tesouro. Os zapatoz herdaríaos a súa curmá pequeña, pero... ¿que podía facer coa caixa de cartón?
Para non deixar baleira, transformouna nunha fermosa cas, que decidiron alugar, tras moito matinar, un grillo e un vagalume.

Tita é a terceira avoa que teñen moitos nenos. Ela coida da casa e de todas as persoas que nela viven dende hai moito tempo.
Un día, Fina descobre que a tita xa non está con eles e énchese de tristeza porque non sabe onde pode estar ou que lle puido pasar.
A preocupación, pouco e pouco, vai dando pasa á sorpresa e, logo, á alegría de descubrir que o tempo non envellece nin a ilusión nin as ganas de facer da vida un eterno comezo.

Iván simboliza para o noso protagonista, un rapaz adolescente, o amigo da infancia a quen Fran decide confiar os cambios que experimentou a súa vida des que non están xuntos. Pero o tempo non retrocede e Iván, que morreu hai cinco anos nun accidente, non lle pode axudar a resolver os seus problemas. Nas cartas a Iván, Fran plasma os seus desexos e inquedanzas para lograr entenderse a sí mesmo e os demais.

"Habitación 202" colle o seu nome dun dos diferentes escenarios no que se desenvolve esta historia de maquinacións, pesadelos e aparicións. O personaxe principal, que se estrea como licenciado xornalista, comeza a recibir recorrentes visitas dun ser que aparenta chegar do Alén conseguindo alterarlle o ritmo da súa vida cotiá. Isto lévao a pescudar sobre o seu propio pasado, que el percibe opaco pola sospeitosa discreción dos pais. Os resultados das indagacións favorecen a intriga, que se vai complicando nunha atmosfera de misterio, a xeito de xogo cun colle-deixa deixa-colle, entre o protagonista e o resto dos personaxes que van enleando, mentres tecen, a historia ata chegar a un final capaz de conseguir un sorriso tenro no lector.